«Հաղթանակած կակաչներ». ֆիլմ՝ նվիրված Քյարամ Սլոյանի հիշատակին

«Նարեկացի» արվեստի միությունում տեղի է ունեցել Արմինե Թորոսյանի՝ «Հաղթանակած կակաչներ» ֆիլմի ցուցադրությունը:

Ֆիլմը նվիրված է ապրիլյան պատերազմի հերոս Քյարամ Սլոյանի հիշատակին:
Ցուցադրությանը ներկա էին նաև Քյարամ Սլոյանի մայրն ու եղբայրը:

2016 թվականի ապրիլի 1-ի լույս 2-ի գիշերն ադրբեջանական կողմի ձեռնարկած լայնածավալ հարձակումն առաջինը դիմագրավողների մեջ է եղել նաև Քյարամը: Կապիտան Արմենակ Ուրֆանյանի անձնակազմին երկու անգամ հաջողվել է հետ մղել հակառակորդին, սակայն չցանկանալով շատ զոհեր տալ, Ուրֆանյանն անձնակազմին հրամայել է հետ քաշվել, սակայն Քյարամ Սլոյանը միակն է եղել, որ չի ենթարկվել կապիտանին: Մնալով հրամանատարի կողքին՝ մինչև վերջ կռվել է և հերոսաբար նահատակվել: