«Արցախցիների կենսաթոշակները նվազեցրել են»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ասկերանի Բալուջա գյուղից բռնագաղթած, Նոյեմբերյան քաղաքում վարձով ապրող, նախկինում վարորդ աշխատած Վալտեր Դադայանը հայտնեց, որ Արցախում ինքը ստանում էր 61 հազար դրամ կենսաթոշակ, Հայաստանում ստանում է 55 հազար դրամ թոշակ, 2016 և 2020 թվականների պատերազմների ժամանակ տագնապից ինսուլտ ստացած, անկողնուն գամված, առաջին խմբի հաշմանդամ իր կինը Արցախում ստանում էր 45 հազար դրամ, Հայաստանում՝ 39 հազար դրամ կենսաթոշակ։ Արցախից բռնագաղթածներին մտահոգել է այն տեղեկությունը, որ ապրիլ ամսից պետությունն իրենց չի վճարելու բնակվարձի ամսական 50 հազար դրամ գումարը»։