ԵԽ պատգամավորներն առաջարկում են Հունգարիային զրկել ձայնի իրավունքից․ #Politico

«Volt Europa» կուսակցության Եվրոխորհրդարանի պատգամավորները մարտի 6-ին կայանալիք՝ ԵՄ գագաթնաժողովից առաջ եվրոպացի առաջնորդներին կներկայացնեն գործողությունների ծրագիր, որը ներառում է Հունգարիային ձայնի իրավունքից զրկելը: Այս մասին հայտնում է Politico եվրոպական լրատվական գործակալությունը։

Ըստ աղբյուրի՝ օրենսդիրների ծրագիրը բաղկացած է ինը կետից. ի հավելումն Հունգարիային ձայնի իրավունքից զրկելուն, ԵԽ պատգամավորները կոչ են անում ԵՄ բարձրագույն դիվանագետ Քայա Կալլասին դարձնել ԵՄ լիարժեք արտգործնախարար, ստեղծել ընդհանուր եվրոպական բանակ և ընդլայնել ԵՄ-ի լիազորությունները պաշտպանության ոլորտում:

Politico-ն ավելի վաղ հայտնել էր, որ ԵՄ առաջնորդները Հունգարիայի առարկությունների պատճառով դադարեցնում են Կիևին 20 միլիարդ եվրոյի ռազմական օգնության նոր փաթեթի մշակումը, որն առաջարկել էր Կալլասը: