Երևան`   +14 °C
Այսօր`   Կիրակի, 22 նոյեմբերի, 2026 թ.

«Եթե ընդդիմությունը գնա հանրաքվեի, դա քաղաքական ինքնասպանություն կլինի»․ Վահե Գրիգորյան

61
Այսօր, 00:06
«Եթե ընդդիմությունը գնա հանրաքվեի, դա քաղաքական ինքնասպանություն կլինի»․ Վահե Գրիգորյան

Փաստաբան Վահե Գրիգորյանի ֆեյսբուքյան գրառումը. «Եթե ընդդիմությունը գնա հանրաքվեի՝ սա փաթեթավորելով որպես ժողովրդի կամքի արտացոլման անհրաժեշտություն, ապա դա քաղաքական ինքնասպանություն կլինի՝ նեղ իմաստով, լայն իմաստով՝ ընդդիմությունն այլև փաստի ուժով ոչնչով չի տարբերվի իշխանությունից, քանի որ հունիսի ընտրություններին ժողովուրդն իր կամքը արդեն իսկ շատ հստակ արտահայտել է՝ նվազեցնելով վերջինիս քաղաքական հնարավորությունները Ազգային ժողովում։ Բացի այդ՝ ֆիքսված ու անգամ վերպետական մարմինների կողմից արձանագրված է, որ «Բարգավաճ Հայաստան»-ից մանդատները գողացել են, պարզ ասած՝ մի 60 հազար քաղաքացու ձայն ոչ իրավաչափորեն չեղարկել են՝ փոխելով քաղաքական ուժերի բալանսը Ազգային ժողովում։
Նման պայմաններում, երբ ժողովուրդն իր կամքը շատ ուղիղ արտահայտել է, և առկա է քվեներ՝ ոչ թե ուղղակի փոշիացնելու, այլև հստակ չեղարկելու արձանագրված դեպք, ընդդիմության կողմից հանրաքվեի գնալը, ինչ ձևով ու ժապավենով էլ այն փաթեթավորես, իշխանության հետ պայմանավորվածություն է լինելու, որի ելքը բոլորս էլ գիտենք, քանի որ որևէ երաշխիք չկա առ այն, որ այս անգամ էլ մի 100 հազար քաղաքացու քվե չեն չեղարկի, մինչդեռ հանրաքվեի դեպքում անգամ մեկ քվեն իսկ որոշիչ է։
Նման արկածախնդրության փոխարեն ընդդիմությունը ճիշտ կանի սկսել խոսել առկա օրակարգային խնդիրներից՝ գնաճ, Երևանի գերծանրաբեռնում, գործազրկություն, թմրանյութերի ու զենքի ապօրինի շրջանառություն, սոցիալական առաջնային խնդիրներ, կառուցապատողների կողմից մարդկանց իրավունքների մասսայական խախտումներ և ակնհայտ մոլորեցնող գովազներ, վարկային գերծանաբեռնում, համայքների անհամաչափ զարգացում, կուտակային կենսաթոշակային համակարգի միջոցների հնարավոր օգտագործման հիմքերի վերանայում և այլն, այլ ոչ թե քննարկի Սահմանադրության հանրաքվե ու այլ իշխանական օրակարգեր, իսկ Մրցակցության և սպառողների շահերի պաշտպանության հանձնաժողովի անդամի թեկնածուներին տրված հարցերը հիմնականում վերաբերեն Յանդեքս համակարգին։
Հակառակի դեպքում, հիմնականում, հարգելի՛ ընդդիմադիրներ, հայտնվել են պրոիշխանական քաղաքական ֆիգուրներ, ովքեր այս հարցերով արդեն իսկ սկսել են զբաղվել, ու վաղը չզարմանաք ու նեղանաք, եթե հայտնվեք քաղաքական լուսանցքում՝ լավագույն դեպքում»։

Աղբյուրը`   Վահե Գրիգորյյան