«Բռնությանը բռնությամբ պատասխանելը տեղ-տեղ շատ տրամաբանված է»․ Վահագն Ալեքսանյան

«Դատապարտում եմ միջադեպն սկսելը, միջադեպին մեր արձագանքը չեմ դատապարտում, որովհետև բռնությանը բռնությամբ պատասխանելը տեղ-տեղ, կարծում եմ, շատ տրամաբանված է»,- ճեպազրույցի ժամանակ խոսելով այսօր ԱԺ-ում տեղի ունեցած միջադեպից՝ ասաց ԱԺ փոխնախագահ, ՔՊ-ական Վահագն Ալեքսանյանը։
«Նույնիսկ եթե ջենտլմենական տեսանկյունից նայեք՝ առնվազն անտրամաբանական է գալ, հարվածել մարդկանց խմբի, հետո նեղանալ, որ այդ մարդկանց խումբը հետո հարվածում ա քեզ։ Անտրամաբանական ա սպասել, որ պետք ա ընդդիմությունը գա, փորձի հարվածել կառավարող մեծամասնության՝ ամբիոնից ելույթ ունեցող պատգամավորին, ու դա չունենա հետևանք»,- շարունակել է Ալեքսանյանը։