«Քաղաքակրթական Հայաստանի հերթական անկյունը՝ Հին Զովունիի հուշարձանախումբը». Վարդան Ոսկանյան

Իրանագետ Վարդան Ոսկանյանը ֆեյսբուքյան էջում գրել է․ «Քաղաքակրթական Հայաստանի հերթական անկյունը՝ Հին Զովունիի հուշարձանախումբը, որը բաղկացած է Սբ. Վարդան եկեղեցի-դամբարանից (որտեղ, ըստ ավանդության՝ ամփոփված է Ավարայրում նահատակված Տաճատ Գնթունի իշխանի աճյունը), Պողոս-Պետրոս եկեղեցուց, Թուխ Մանուկից և վաղ միջնադարյան կոթողներից։
Պատմական Միգ գավառի այս փոքրիկ հատվածը քաղաքակրթական Հայաստանի, պատկերավոր ասած, մանրակերտ է, որտեղ մշակույթն ու քաղաքակրթությունն ուղղակի հորդում են։
Միասնական քաղաքակրթական Հայաստանն անուրանալի է և անհերքելի, իսկ դրա ժառանգորդը լինելը՝ մեծագույն պատիվ ու պատասխանատվություն»։