«Թատերական դահլիճները լեփ-լեցուն են»․ Նիկոլ Փաշինյան

Վարչապետ Նիկոլ Փաշինյանը ֆեյսբուքյան եթերում հայտնում է․ «4 օր 4 տարբեր թատրոններում 4 տարբեր ներկայացումների եմ մասնակցել և բոլոր տեղերում դահլիճները լեփ-լեցուն էին։ Սա շատ հաճելի արձանագրում էր ինձ համար։ Այս փաստը նախ վկայում է, որ Երևանում շատ բուռն մշակութային կյանք կա, ամեն օր կա ընտրություն, թե ուր գնալ։
2-րդ, նշանակում է, որ մշակութային ոլորտի գործիչները շուկա են ստացել, որտեղ կարող են իրենց ստեղծագործական տաղանդը արտահայտել և վերածել նյութական արժեքի։
3-րդ. մարդիկ տրամադրություն ու հավես ունեն թատրոն, համերգ, օպերա գնալու, որը էական է երկրում հաստատված ընդհանուր մթնոլորտը հասկանալու համար։ Լեփ-լեցուն համերգային դահլիճները լավատեսության և ապագայի նկատմամբ համոզվածության նշան են»։