«Ուղղակի մի օրակարգ եք բերել, որ ջրի վրա մնաք». Արթուր Հովհաննիսյան

«Այս օրակարգը կրկին թարս է աշխատում Դաշնակցության համար: Ձեր մտածողությունը, ձեր պատկերացումներն ու լուծումները չեն համապատասխանում ՀՀ-ի շուրջ տեղի ունեցող ներկա իրողություններին: Մեղադրում եք պարոն Հակոբյանին երդումը խախտելու մեջ, ձեր մեծ մասը երդում չի տվել ՀՀ ժողովրդի առաջ սահմանադրական լիազորությւոնների կատարման վերաբերյալ, ի՞նչ իրավունք ունեք խոսել ուրիշի երդումից»,- ԱԺ-ում «Հայաստան» խմբակցության բերած ՀՌՀ անդամ Հակոբ Հակոբյանի լիազորությունները դադարեցնելու մասին որոշման նախագծի քննարկման ժամանակ ասել է ՔՊ պատգամավոր Արթուր Հովհաննիսյանը:

«Ես պնդում եմ, որ պարոն Հակոբյանը իր հարցազրույցում դատողություններ է արել պատմական իրողությունների վերաբերյալ և ճշմարտությունների փնտրտուքի արդյունքում արել է եզրակացություններ, որոնք ճշմարիտ են և անհերքելի»,- նշել է Հովհաննիսյանը՝ ընդգծելով, որ ՀՌՀ անդամը սահմանադրական նորմ չի խախտել:

«Դուք հիմքեր չունեցող օրակարգ եք բերել ԱԺ: Ուղղակի մի օրակարգ եք բերել, որ ջրի վրա մնաք: Բայց դուք ջրի վրա վաղուց արդեն չեք, խորտակված եք՝ որպես քաղաքական միավոր»,- հավելել է նա: