«Ենթադրվում է՝ մինչև 2046թ․ հնարավոր կլինի երկարացնել ատոմակայանի գործունեության ժամկետը»․ Նիկոլ Փաշինյան

«Մենք հիմա գտնվում ենք Մեծամորի ատոմակայանի գործունեության ժամկետը մինչև 2036 թվականը երկարացնելու փուլի մեջ, որից հետո ևս մեկ փուլ, ենթադրվում է 10 տարով՝ մինչև 2046 թվականը ևս հնարավոր կլինի երկարացնել գործունեության ժամկետը»,- այս մասին ԱԺ–ում կառավարության հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը։

«Հիմա մենք նոր ատոմային, միջուկային ռեակտոր ունենալու հարցը քննարկում ենք Ռուսաստանի, Միացյալ Նահանգների, Ֆրանսիաի, Չինաստանի, Հարավային Կորեայի հետ։ Դա ճակատգրական, ռազմավարական նշանակության որոշում է, և որոշում կայացնելիս պետք է համոզված լինենք, թե որ առաջարկն է մաքսիմալ համապատասխանում ՀՀ-ի շահերին»,- հավելեց վարչապետը։