«Նիկոլ Փաշինյանը հայ ժողովրդի շահը վաճառքի հանեց Amazon-ում». Նարեկ Կարապետյան

«Մեր ձևով» շարժման համակարգող Նարեկ Կարապետյանը ֆեյսբուքյան եթերով անդրադարձել է ԱՄՆ փոխնախագահի և Նիկոլ Փաշինյանի երեկվա հայտարարություններին: «Անցած գիշեր թույլ առաջնորդ Նիկոլ Փաշինյանը հայ ժողովրդի շահը վաճառքի հանեց Amazon-ում:

Մենք ունեցանք պատմական այցելություն ԱՄՆ փոխնախագահի կողմից, ով հայտարարությունով հանդես եկավ: Հայտարարության մեջ նա ներկայացնում էր իր երկրի շահը, որը կառավարության թարգմանիչները հատուկ թարգմանեցին այսպես. «Սկզբնական մոտ 5 մլրդ գումարի մասին ենք խոսում ներդրումների, հետագայում երկրորդ փուլում ևս 4 մլրդ. սա փոխշահավետ վիճակ է և՛ ՀՀ-ի համար, և՛ իմ երկրի համար էներգետիկ անվտանգության»: Բայց իրականում ԱՄՆ փոխնախագահն ասել է. «Սա նշանակում է ԱՄՆ-ի՝ մինչև 5 մլրդ դոլարի արտահանում սկզբնական փուլում, գումարած ևս 4 մլրդ-ի երկարաժամկետ պահպանման ծախսեր վառելիքի և տեխնիկական սպասարկման պայմանագրերով»»:

Շարունակելով խոսքը՝ Կարապետյանն ընդգծել է. «ԱՄՆ-ից 9 մլրդ դոլարի սարքավորումների գնումը ցանկանում են ներկայացրել է որպես ներդրում: Հատուկ սխալ են թարգմանել, որպեսզի մենք չհասկանանք, որ դա պետական պարտքով ատոմային մոդուլյար կայանի մասին է, որի համար վճարելու են ՀՀ քաղաքացիները: Դա պետական պարտքի 9 մլրդ դոլարի ավելացում է»: