«Իշխանություններն իհարկե չեն խնդրի Վենսին՝ հայ գերիների հարցով». Արթուր Խաչատրյան

«Ակնկալում եմ, որ ՀՀ իշխանությունները Վենսին կխնդրեն ճնշում բանեցնել Ադրբեջանի կառավարության վրա՝ ազատ արձակելու հայ գերիներին, ներառյալ՝ Արցախի ռազմաքաղաքական ղեկավարությանը»,- ԱԺ-ում, լրագրողների հետ զրույցում, ասաց ընդդիմադիր պատգամավոր Արթուր Խաչատրյանը՝ անդրադառնալով ԱՄՆ փոխնախագահի՝ ՀՀ սպասվող այցին: «Հիմա պիտի ասեք՝ էդ ինչի՞ց ենթադրեցիք, որ տենց բան կանեն. իհա՛րկե չեն անի, բայց ընդդիմությունը և հասարակությունը պետք է քայլեր ձեռնարկեն, որ փոխնախագահն այդ հարցերը քննարկի Ադրբեջանում»,- շարունակեց պատգամավորը: