«Եթե ԱՄՆ-ն փորձի վնասել Իրանի և Հայաստանի հարաբերությունները, ապա «TRIPP»-ի իրականացումը կդառնա ռիսկային»․ Պույա Հոսեյնի

«Հայաստան-Իրան ռազմավարական համագործակցության զարգացման կենտրոնի» հիմնադիր Պույա Հոսեյնին գրում է․ «ԱՄՆ փոխնախագահ Ջեյ Դի Վենսը ժամանում է Հայաստան:
Պաշտոնական ​Երևանը պետք է օգտագործի իր ողջ քաղաքական ներուժը՝ Իրանի դեմ կիրառվող ամերիկյան պատժամիջոցների հարցում՝ արտոնյալ կարգավիճակ ստանալու համար:
Հայաստանը պետք է ազատվի Իրանի դեմ ուղղված որոշ պատժամիջոցներից, քանի որ Իրանի հետ հարաբերությունները Հայաստանի համար այլընտրանք չունեն. այդ հարաբերությունները կենսական նշանակություն ունեն թե՛ Հայաստանի, թե՛ Իրանի համար, և այս իրողությունը պետք է հասկացվի արևմտյան գործընկերներին:
​Նախկինում ևս եղել են երկրներ, որոնք կարողացել են պահպանել ԱՄՆ-ի հետ իրենց ջերմ հարաբերույունը, միաժամանակ խուսափելով պատժամիջոցներից, ստանալով բացառություններ կամ արտոնություններ:
Եթե ԱՄՆ-ն փորձի միջամտել կամ վնասել երկու եղբայրական և հարևան երկրների՝ Իրանի և Հայաստանի հարաբերություններին, ապա «TRIP» նախագծի իրականացումը կդառնա ծայրահեղ ռիսկային:
​Ոչ մի երրորդ երկիր իրավունք չունի ճնշում գործադրել Հայաստանի վրա՝ ստիպելով հրաժարվել Իրանի հետ հարաբերություններից կամ կրճատել դրանք: Իրանը ամենամեծ շահագրգիռ կողմն է Հայաստանի և հատկապես Սյունիքի մարզի տնտեսական զարգացման հարցում, սակայն Հայաստանի տնտեսական զարգացումը չի կարող առիթ դարձվի երկու եղբայրական երկրների և հազարամյա հարևանների հարաբերություններին հարվածելու համար:
​Իրանը մշտապես հարգել է Հայաստանի անկախությունը, ինքնիշխանությունը և տարածքային ամբողջականությունը՝ դրանք հրապարակայնորեն հայտարարելով իր «կարմիր գիծը»՝ լուրջ և կոշտ զգուշացումներ անելով բոլոր տարածաշրջանային և արտատարածաշրջանային խաղացողներին:
Հայաստանի անկախությունը, ինքնիշխանությունը և տարածքային ամբողջականությունը Հարավային Կովկասում՝ Իրանի ազգային անվտանգության կարևորագույն բաղադրիչներից են, և դրանց խախտումն անընդունելի է»։