«Ոչ Քոչարյանը, ոչ Սարգսյանը, ոչ «Մեր ձևովը» չեն խոսում Արցախը հետ գրավելուց»․ Գոռ Մադոյան

Վերլուծաբան Գոռ Մադոյանը ֆեյսբուքյան իր էջում գրել է․ «Ոչ մեկ, ոչ Քոչարյանը, ոչ Սարգսյանը, ոչ Մեր Ձևովը չեն խոսում Արցախը հետ գրավելուց, պատերազմից ու ասում են նույնիսկ վերադարձն ա անիրատեսական: Ավելին, Թրիփին էլ են կողմ, բայց նոր հավելումներով ու հատկապես մեր կողմից էլ Նախիջևանով ճանապարհ ունենալով: Բայց իշխանության պաշտոնական նարրատիվն ու քարոզչական գիծն էն ա, որ եթե ընդդիմությանը ընտրեք, պատերազմ եք ընտրելու: Ավելի գարշելի նարրատիվ, թե եթե իշխանությանը չընտրեք խաղաղություն չեք ուզում և պատերազմի հրձիգ եք, հնարավոր չի պատկերացնել: Այդ լոգիկայով, Փաշինյանը պետք ա հավերժ մնա որպես խաղաղության մարմնական երաշխավոր, ոնց Սերժն էր ասում՝ եթե ես գնամ պատերազմ կլինի, ես եմ միակ բանակցողը և այլն: Ոնց ժամանակին բազմաթիվ ավտոկրատներ էին իրենց նույնացնում պետությանը և պնդում, թե իրենք են կարգուկանոն և խաղաղություն բերել ու հենց իրենք չլինեն, էլի կսկսի քաոսն ու աղետը»։