«ՀՀ-ի դեմ պատերազմը տեղափոխել են հասարակական կարծիքի վրա ազդեցության դաշտ»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Պատերազմներն այլևս չեն սահմանափակվում մարտադաշտերի ֆիզիկական սահմաններով, այլ վարվում են նարատիվների միջոցով, թվային պլատֆորմների միջոցով և հասարակական կարծիքի կառավարումով»: Այս հայտարարության հեղինակը Թուրքիայի նախագահի աշխատակազմի հասարակայնության հետ կապերի ղեկավար Բուրհանեթթին Դուրանն է, որը ելույթ է ունեցել Դոհայում Ալ Ջազիրայի կազմակերպած ամենամյա ֆորումի ընթացքում:

Խիստ հատկանշական է, որ հայտարարության հեղինակը հենց Թուրքիայի պաշտոնյա է: Պարզապես պետք է այս հայտարարության ներքո դիտարկել այն, ինչ այսօր Հայաստանի հանդեպ իրականացնում են Թուրքիան և «կրտսեր եղբայրը»՝ Ադրբեջանը:

Ըստ էության, նրանք Հայաստանի դեմ պատերազմը տեղափոխել են հենց նարատիվների դաշտ, հասարակական կարծիքի վրա ազդեցության դաշտ, իսկ առաջիկայում իհարկե կխորացնեն նաև թվային պլատֆորմներում՝օրինակ էներգահամակարգերի միավորման միջոցով, բայց ոչ միայն: Եթե իհարկե արդեն իսկ թվային պլատֆորմներում չունեն ներկայություն»: