«ՌԴ-ն չի կարող շարունակել ժամանակ ձգձգել»․ Քելոգ

ԱՄՆ նախագահի Ուկրաինայի հարցերով հատուկ ներկայացուցիչ Քիթ Քելոգն ԱՄՆ-ի անունից պահանջել է, որ Ռուսաստանն անհապաղ դադարեցնի կրակը և բանակցություններ սկսի Ուկրաինայի հետ։
«Մենք կոչ ենք անում անհապաղ դադարեցնել կրակը և անցնել եռակողմ բանակցությունների՝ հակամարտությունը դադարեցնելու համար»,- գրել է նա՝ X սոցիալական ցանցում։
Միևնույն ժամանակ, Քելոգը ռուսական կողմին մեղադրել է գործընթացը դիտավորյալ ձգձգելու մեջ՝ Կրեմլի մամուլի քարտուղար Դմիտրի Պեսկովի՝ բանակցությունների մասին վերջին հայտարարությունները որակելով որպես «օրուելյան»։

Պեսկովը, մասնավորապես, ասել էր, որ շատ բան կախված է Կիևի ռեժիմի դիրքորոշումից, ինչպես նաև այն բանից, թե որքան արդյունավետ կշարունակվեն Վաշինգթոնի միջնորդական ջանքերը»։

Միևնույն ժամանակ, Քելոգը մերժել է ԱՄՆ-ի և Ուկրաինայի կողմից խաղաղության գործընթացը դիտավորյալ ձգձգելու մեղադրանքները՝ ընդգծելով նման հայտարարությունների համար հիմքերի բացակայությունը։
«Ռուսաստանը չի կարող շարունակել ժամանակ ձգձգել»,- եզրափակել է ԱՄՆ նախագահի Ուկրաինայի հարցերով հատուկ ներկայացուցիչը։