Մանե Թանդիլյանը շարունակում է հացադուլը․ ՈՒՂԻՂ ՄԻԱՑՈՒՄ

«Ապրելու երկիր» կուսակցության նախագահ Մանե Թանդիլյանը երեկ վերադարձել է Ազատության հրապարակ և շարունակում է հացադուլը՝ կոչ անելով Բաքվի բանտում գտնվող Արցախի նախկին պետնախարար Ռուբեն Վարդանյանին դադարեցնել հացադուլը: Այսօր նրա հացադուլի 10-րդ օրն է։
Հիշեցնենք, որ նա մարտի 7-ի գիշերը շտապօգնության ավտոմեքենայով տեղափոխվել էր հիվանդանոց։

«Ապրելու երկիր» կուսակցության անդամ Արտավազդ Ալավերդյանը, ով ևս միացել է հացադուլին, Ազատության հրապարակում «ABCmedia»-ի հետ զրույցում հաստատել է, որ Մանե Թանդիլյանը վերադարձել է հրապարակ և իրենք շարունակում են իրենց հացադուլը․ «Տիկին Թանդիլյանի արյան հետազության պատասխանները ցույց են տվել, որ բոլոր ցուցիչներն արդեն նորմայից ցածր են, բժիշկները հորդերել են հացադուլը դադարեցնել, սակայն նա հրաժարվել է, վերադարձել է և մենք շարունակում ենք մեր հացադուլը»,- ասել է Ալավերդյանը՝ նշելով, որ քանի դեռ Ռուբեն Վարդանյանը չի դադարեցրել իր հացադուլը, իրենք ևս կշարունակեն։