ՌԴ-ն և ԱՄՆ-ն Սիրիայի հարցով ՄԱԿ-ի ԱԽ հրատապ խորհրդակցություններ են խնդրել

Ռուսաստանն ու Միացյալ Նահանգները դիմել են ՄԱԿ-ի Անվտանգության խորհրդին՝ Սիրիայում իրավիճակի վերաբերյալ փակ խորհրդակցություններ անցկացնելու հարցումով։ Մոսկվան ակնկալում է, որ դրանք տեղի կունենան երկուշաբթի, Telegram-ի իր ալիքում ասել է ՄԱԿ-ում Ռուսաստանի առաքելության մշտական ​​ներկայացուցչի առաջին տեղակալ Դմիտրի Պոլյանսկին։
«Ռուսաստանը և Միացյալ Նահանգները ՄԱԿ-ի Անվտանգության խորհրդին խնդրել են հրատապ փակ խորհրդակցություններ անցկացնել՝ Արևմտյան Սիրիայում խաղաղ բնակիչների նկատմամբ բռնությունների հետ կապված: Մենք ակնկալում ենք, որ Խորհրդի դանիական նախագահությունը դրանք կնշանակի մարտի 10-ին՝ Նյու Յորքի ժամանակով ժամը 10:00-ին (Երևանի ժամանակով 16:00-ին-խմբ.)»,- նշել է ռուս դիվանագետը:

Հիշեցնենք, որ Սիրիայում բախումներ են տեղի ունենում ժամանակավոր կառավարության անվտանգության ուժերի և նախկին նախագահ Բաշար ալ Ասադի կողմնակիցների միջև, որոնք ուղեկցվում են բռնություններով։

Վերջին տեղեկություններով զոհերի թիվն անցնում է 700-ը։