«Իմ երկիրն իմ ոտի տակից տանում ես, շառը գցում ինձ վրա՞»․ Սարո Լալայան

«Դու եթե իմ գրչի ծայրից ուզում ես ջնջել, ուրեմն իմ սրտից ես ուզում ջնջել Մասիս սարը։ Եթե դու իմ սրտից ջնջում ես Մասիսը, ես քեզ հաստատ չեմ ընդունելու»,- այս մասին «Երկիր»-ի հետ զրույցում նշել է Սարո Լալայանը՝ հայտնելով, որ իր ստորագրության մեջ Մասիս նկարելու պատճառով անձնագրային բաժնում խնդիր է առաջացել։
«Մի սոցիալական քարտ, մի թղթի կտոր պիտի տային, ասում են՝ սա խնդիր կդառնա։ Ո՞ւմ հետ խնդիր կդառնա։ Ես նրա հետ խնդիր չունեմ։ Ես էլ եմ ծափահարել նրան, որ եկել ա, հիմա ի՞նչ ա անում ինձ հետ ինքը․․․
Մենք քեզ բերեցինք, թույլ տվինք՝ հարստանաս, բա ինչի՞ ես էստեղ-էնտեղ ապուշ-ապուշ դուրս տալիս։ Իմ ստորագրությունն ընդամենը մի գեղեցիկ նկար ա, ինչի՞ ես ինձ քո պետությանը հակառակ հանում․․․ Խելագարվել կարելի ա։ Իմ հողը, իմ երկիրն իմ ոտի տակից տանում ես, շառը գցում ինձ վրա՞։ Ես Մասիս եմ նկարելու մի՛շտ»։