«Մի՛ ամաչեք չվճարելիս, թող թալանողներն ամաչեն»․ Սոնա Աղեկյան

Երևանի ավագանու «Մայր Հայաստան» դաշինքի անդամ Սոնա Աղեկյանը ֆեյսբուքյան էջում տեսանյութ է հրապարակել՝ կից գրառմամբ․ «Մի՛ ամաչեք չվճարելիս, թող թալանողներն ամաչեն, որ թալանում են, այլ ոչ թե թալանվողները»։

«Մենք այն քաղաքացիների կողքին ենք, ովքեր բոյկոտում են տրանսպորտի թանկացման դեմ, համաձայն չեն թալանչիական որոշման հետ, անհնազանդության ակցիա են իրականացնում՝ չվճարելով»,- տեսանյութում նշում է Աղեկյանը՝ հավելելով, որ բոյկոտը կշարունակվի այնքան, մինչև քաղաքացիների ձայնը հասնի քաղաքային իշխանությանը։