«Ստում եք, չիմացածը ստով մի ծածկեք»․ Արծվիկ Մինասյանը՝ Ալեն Սիմոնյանին

ԱԺ նիստը մեկնարկեց փոխադարձ մեղադրանքներով։ Ալեն Սիմոնյանը կրկին դաշնակցականներին մեղադրեց տարիներ առաջ վարչատարածքային բաժանման մասին օրենքին կողմ քվեարկելու և Արցախը Ադրբեջանի մաս ճանաչելու մեջ։ Ինչին ի պատասխան՝ Արծվիկ Մինասյանը նրան ստախոս անվանեց՝ կոչ անելով չիմացածը ստով չծածկել։ «Ստում եք դուք, քանի որ ձեր գործընկեր դաշնակցական պատգամավորները քվեարկել են վարչատարածքային բաժանման մասին օրենքին կողմ, որտեղ սահմանից այն կողմ գրված է Ադրբեջանի Հանրապետություն։ Տեղից մի բղավեք, ելույթների հնարավորություն կունենաք, կգնաք ձեր մոտ նիստ կանեք, շրջաբերականներ կպտտացնեք, որոնց մեջ կգրեք, թե ոնց անեք, որ Արցախի հարցը առաջ չգնա, խաղաղության պայմանագիր հանկարծ չկնքենք»,- արձագանքեց Ալեն Սիմոնյանը։