«Այդ հարցը տալիս եք, որ ինձ քաղաքականապես խեղճացնե՞ք»․ Արարատ Միրզոյանը՝ հայ գերիների վերադարձի վերաբերյալ հարցի մասին

«Արդեն ճար չկա, էդ հարցը պիտի լուծվի, ինչ կարողանում - չենք կարողանում, փորձում ենք անել, ժողովո՛ւրդ, դե հիմա լավ, չի ստացվում»,- այս մասին այսօր ԱԺ-ում Կառավարության հետ հարցուպատասխանի ժամանակ նշեց արտաքին գործերի և միջազգային առևտրի նախարար Արարատ Միրզոյանը՝ պատասխանելով «Ուժեղ Հայաստան» խմբակցության պատգամավոր Սյուզաննա Ավետիսյանի՝ Բաքվում գտնվող գերիների վերադարձի մասին հարցին։

«Այդ հարցը տալիս եք, որ ինձ քաղաքականապես խեղճացնե՞ք, թե իրականում իմանաք պատասխանը․․․ Դիմել ենք տարբեր պետությունների և կազմակերպությունների, գնացել, եկել են, ասել են՝ չէ՛, չէ՛, վայ»,- հավելեց Միրզոյանը։