Երեքուկես տարվա շուրջերկրյա ճամփորդության դուրս եկած «Վիլլա Վի Օդիսեյը» դադարեցրել է ճանապարհորդությունը վառելիքի գների պատճառով
![]() «Վիլլա Վի Օդիսեյ» ամերիկյան զբոսանավը դադարեցրել է իր շուրջերկրյա ճանապարհորդությունը վառելիքի բարձր գների պատճառով։ «The Independent»-ի տվյալներով՝ ուղևորները ափ են իջեցվել Կամբոջայում։ «Վիլլա Վի Օդիսեյը» 2024 թվականի հոկտեմբերին Հյուսիսային Իռլանդիայի Բելֆաստ քաղաքից մեկնել է «անդադար» շուրջերկրյա ճանապարհորդության։ Ուղևորները պետք է երեքուկես տարվա ընթացքում այցելեին 147 երկրների ավելի քան 425 ուղղություններ։ Տոմսի նվազագույն գինը կազմել է մոտավորապես 119,000 դոլար՝ բացառությամբ ամսական կացության վճարի։ Նավը զբոսանավային ճանապարհորդության մեջ է եղել առնվազն 755 օր։ Նավը կարող է տեղավորել մինչև 650 ուղևոր. Կամբոջա ժամանելու պահին նավի վրա գտնվողների թիվը հայտնի չէ։ Նավի սպասարկող ընկերությունը հայտարարել է զբոսանավային ճանապարհորդության դադարեցման մասին վառելիքի ճգնաժամային իրավիճակի պատճառով։ Դրա ամսական ծախսերը՝ մեկ նավախցի հաշվարկով, Ասիայի որոշ երկրներում, որտեղ վերջերս գտնվում էր լայները, 1,8 հազար դոլարից աճել են մինչև 8 հազարի։ Ընկերության ներկայացուցիչները նշել են, որ չեն կարող ծախսերի այս աճը փոխանցել ուղևորներին։ Նրանք նաև հավելել են, որ Իրանում պատերազմի սկսվելուց ի վեր փորձել են կրճատել վառելիքի սպառումը, սակայն այդ միջոցառումները բավարար չեն եղել։ Ընկերությունը «վերակազմակերպում և վերակապիտալացում» կիրականացնի առաջիկա երկու ամիսների ընթացքում, սակայն նշում է, որ արդյունքները «չեն երաշխավորվում»։ Որոշ ուղևորներ արդեն մեկնել են Կամբոջայից, մինչդեռ մյուսները մնում են երկրում՝ հույս ունենալով, որ նավը կվերսկսի նավարկությունը։ |

«Փաշինյանն Ալիևի «աբսլուգն է»». Սուրեն Սուրենյանց
8120:06
«Գույնը դուրս չի գալիս, եթե մեռնի, քպ-ին հետը կդնեք». Դավիթ Ամալյան
9519:54
«Թրաշը տենց բան ա». Անժելա Էլիբեգովա
9519:42
«Հանքային ջրի աղբյուրն ազատագրված է». Քնարիկ Պետրոսյան (տեսանյութ)
9319:24
«Մեր բոլոր պրոբլեմները չհասկանալու արդյունք են»․ Կարեն Ադոնց
10117:36
Փարիզում ոստիկանները ցույցի են դուրս եկել Ելիսեյան պալատի մոտ (տեսանյութ)
15716:55
