«Փորձե՞լ եք պարզել՝ ի՞նչ նպատակով է ծախսվել բյուջե փոխանցված 100 մլն դոլարը». Էդգար Ղազարյան

Ֆինանսավարկային և բյուջետային հարցերի մշտական հանձնաժողովը Հաշվեքննիչ պալատի անդամի պաշտոնում առաջարկել է «Քաղաքացիական պայմանագիր» խմբակցության կողմից առաջադրված Կարեն Առուստամյանի թեկնածությունը: Դիմելով թեկնածուին՝ ընդդիմադիր պատգամավոր Էդգար Ղազարյանը հարցրեց. «44-օրյա պատերազմի ժամանակ ամբողջ աշխարհում ապրող հայերը հավաքագրեցին մոտավորապես 150 մլն դոլար, որից 100 մլն-ն մի թվով փոխանցվել է բյուջե ու հետքը կորել է: Ձեր պաշտոնավարման շրջանում փորձե՞լ եք պարզել՝ որտե՞ղ է գտնվում, ի՞նչ նպատակով է ծախսվել»: Առուստամյանը լավ չհասկացավ հարցը, խնդրեց կրկնել: