«Եթե Թուրքիայի հետ պատերազմական իրավիճակ լինի, ռազմաբազան կարող է դիմակայել ընդամենը 20 րոպե»․ Սարիկ Մինասյան

«Ռուսական 102-րդ ռազմաբազան, կարծում եմ, Գյումրիում անվտանգային որևէ խնդիր չի լուծում, ինչ որ առումով տնտեսական աշխուժություն է մտցնում։ Բայց այստեղ մեկ հարց կա նաև, ռազմաբազայի սպայակազմն ազատված է գույքահարկից, նրանք ունեն տրանսպորտային միջոցներ, գույքահարկ չեն վճարում։ Եվ եթե ՌԴ-ն որոշի ռազմաբազան դուրս բերել, խնդիր չեմ տեսնում»,- ճեպազրույցի ժամանակ ասել է ՔՊ-ական պատգամավոր Սարիկ Մինասյանը։
Լրագրողի դիտարկման, թե այսինքն՝ ռազմական բազա է, բայց տնտեսական հարց է լուծում, պատասխանել է․ «Ես որքան փորձել եմ հետաքրքրվել, ուսումնասիրել՝ եթե, Աստված չանի, Թուրքիայի հետ պատերազմական իրավիճակ լինի, 102-րդ ռազմաբազան կարող է դիմակայել ընդամենը 20 րոպե»։