«Խանդի հողի վրա ծեծը դատարանում քննելուց մեղմացուցիչ հանգամանք պետք է հանդիսանա»․ Կնյազ Հասանով

«Բոլոր դեպքերում ծեծը հանդիսանում է բռնություն և պետք է ենթարկվի քրեական պատասխանատվության։ Բայց երբ խանդի հողի վրա տղամարդը լսում է կամ տեսնում է այդ երևույթները, ինչ-որ տեղ անկախ իրենից կռիվ է ստեղծում։ Իհարկե, ես չեմ ընդունում այդ երևույթը, որովհետև դրա համար կա դատարան, բայց մինչև դատարանը, նա չի մտածում, դիմում է այդ քայլերին։ Էլի պիտի նա իր պատիժը ստանա կնոջը ծեծի ենթարկելու համար, բայց դատարանում այդ հարցը քննելուց մեղմացուցիչ հանգամանք պետք է հանդիսանա»,- «Yerevan Tribune»-ի եթերում ասել է ՔՊ-ական պատգամավոր Կնյազ Հասանովը։ «Խանդը բոլորի համար էլ նորմալ ա՝ թե կնոջ, թե տղամարդու, և 2 դեպքում էլ որպես մեղմացուցիչ պետք է նայվի»,- նշել է պատգամավորը։
Հիշեցնենք, որ Մարդու իրավունքների պաշտպանության և հանրային հարցերի մշտական հանձնաժողովում ընտանեկան բռնության մասին նախագծի քննարկման ժամանակ Հասանովը հայտարարել էր, որ տղամարդու կողմից խանդի հողի վրա ծեծը կարող է ունենալ մեղմացուցիչ հանգամանքներ։