«Գերագույն հոգևոր խորհրդի աշխարհական մի շարք անդամներ հարցաքննության են կանչվել»․ Ռուբեն Մելիքյան

Ռուբեն Մելիքյանը ֆեյսբուքյան եթերում հայտնում է․ «Այսօր Մայր եկեղեցու Գերագույն հոգևոր խորհրդի աշխարհական մի շարք անդամներ, վկայի կարգավիճակով, հարցաքննության են կանչվել։ Որպես փաստաբան՝ երկու հարցաքննության մասնակցել եմ։ Տեսա Գերագույն հոգևոր խորհրդի այլ անդամների, որոնք ևս շատ հետաքրքիր զուգադիպությամբ այսօր հրավիրվել են հարցաքննության, այն նույն ժամին, երբ պետք է ընթանար Գերագույն հոգևոր խորհրդի նիստը։
Ըստ էության, սա նույնպես եղել է Գերագույն հոգևոր խորհրդի, այսինքն՝ մեր Մայր եկեղեցու ներքին գործերին անուղղակի միջամտություն։

Սա կարևոր տեղեկատվություն է, որպեսզի մենք պատկերացնենք, որ այս քաղաքական իշխանությունները եկեղեցուց «ձեռք չեն քաշում», շարունակում են իրենց ապօրինի քաղաքականությունը եկեղեցու նկատմամբ, և սա դրա դրսևորումներից հերթականն էր»։