ՑԱՀԱԼ-ը հարվածել է Իրանի «Թալեգան» միջուկային կենտրոնին

Իսրայելի պաշտպանության բանակը հայտարարել է Իրանի «Թալեգան» միջուկային կենտրոնի վրա հարվածի մասին։

«Վերջին օրերին Թեհրանում իրականացված մի շարք հարվածների շրջանակներում Իսրայելի ռազմաօդային ուժերը, գործելով ճշգրիտ հետախուզական տվյալների հիման վրա, հարվածել են Իրանի միջուկային ծրագրի ևս մեկ օբյեկտի», - ասվում է Իսրայելի պաշտպանության բանակի հայտարարության մեջ։

Զինվորականները պնդում են, որ հարձակման ենթարկված «Թալեգան» համալիրն Իրանն օգտագործել է «միջուկային զենքի կարևորագույն հնարավորություններ մշակելու» համար։