Երևան`   +11 °C
Այսօր`   Ուրբաթ, 20 նոյեմբերի, 2026 թ.

Ուկրաինական ԱԹՍ-ները հարվածել են Սմոլենսկի մարզի քիմիական գործարանին

81
Այսօր, 12:18
Ուկրաինական ԱԹՍ-ները հարվածել են Սմոլենսկի մարզի քիմիական գործարանին

Գիշերն ուկրաինական անօդաչու թռչող սարքերը հարձակվել են Սմոլենսկի մարզում գտնվող «Դորոգոբուժ» քիմիական գործարանի վրա։ Այս մասին հայտնում են ուկրաինական մոնիթորինգային ալիքները և ռուսական Astra պարբերականը։

Հաղորդվում է, որ ձեռնարկության տարածքում պայթյուն է որոտացել, ապա հրդեհ է բռնկվել։ Ուկրաինական մոնիթորինգային ալիքների տվյալներով՝ ենթադրաբար, հարվածի տակ է հայտնվել ամոնիակի արտադրամասը։

«Դորոգոբուժ» գործարանը Ռուսաստանում հանքային պարարտանյութերի խոշորագույն արտադրողներից մեկն է։ Նրան բաժին է ընկնում Ռուսաստանում ամոնիումի նիտրատի ընդհանուր արտադրության շուրջ 11 տոկոսը։ Այդ նյութը կարող է օգտագործվել պայթուցիկ նյութերի արտադրության համար։