Երևան`   +7 °C
Այսօր`   Հինգշաբթի, 19 նոյեմբերի, 2026 թ.

Ուկրաինայի զինված ուժերը կրկին հարվածել են Ղրիմի կամրջին

70
Այսօր, 09:49
Ուկրաինայի զինված ուժերը կրկին հարվածել են Ղրիմի կամրջին

Ղրիմի կամուրջը կրկին ենթարկվել է ուկրաինական հարձակման։ Այս մասին հայտնել է Ղրիմի ղեկավար Սերգեյ Ակսյոնովը։

«Ղրիմի կամրջի դեմ հերթական հարձակման հետևանքով երթևեկությունը ժամանակավորապես դադարեցվել է», — նշել է Ակսյոնովը։ Նրա խոսքով՝ իրականացվում է պատճառված վնասի գնահատում։

Exilenova+ թելեգրամյան ալիքի տվյալներով՝ կամուրջը կրկին ենթարկվել է հրթիռակոծության։ «Крымский ветер» թելեգրամյան ալիքը, հղում կատարելով իր բաժանորդներին, հայտնել է, որ արձանագրվել է երկու հարված։ Տեղի բնակիչների տեղեկություններով՝ հավանաբար հարվածները հասցվել են կամրջի երկաթուղային հատվածին։

Նշենք, որ կամուրջը հարձակման էր ենթարկվել նաև նոյեմբերի 16-ի առավոտյան և նոյեմբերի 17-ի գիշերը։