Ռուսաստանը զանգվածային հարվածներ է հասցրել Կիևին
![]() Ռուսաստանը գիշերը և առավոտյան անօդաչու թռչող սարքերով ու հրթիռներով զանգվածային հարձակում է իրականացրել Կիևի ուղղությամբ։ Այս մասին հայտնում է РБК-Украина-ն՝ հղում կատարելով Ուկրաինայի արտակարգ իրավիճակների պետական ծառայությանը։ Հաղորդվում է, որ գիշերային հարձակման հետևանքով զոհվել է վեց մարդ, ևս 15-ը՝ վիրավորվել։ Գիշերը ռուսական գնդակոծության հետևանքով առաջացած հրդեհներ են արձանագրվել քաղաքի երեք վարչական շրջաններում։ Նշվում է նաև, որ թիրախավորվել են կամուրջները։ Մասնավորապես բալիստիկ հարձակման հետևանքով վնասվել են Պոդոլսկո-Վոսկրեսենսկի, Դարնիցկի և Հարավային կամուրջները։ Պոդոլսկի կամրջով երթևեկությունը մասամբ սահմանափակվել է։ Հարվածների են ենթարկվել նաև Ուկրաինայի այլ հատվածներ։ Խարկովում ԱԹՍ-ի՝ հիվանդանոցին հարվածելու հետևանքով չորս մարդ է տուժել, ավելի քան 50 պատուհան կոտրվել է։ Պոլտավայում, իշխանությունների տվյալներով, հրթիռի բեկորներն ընկել են բնակելի շենքերի հարևանությամբ։ Արձանագրվել են մասնակի ավերածություններ և հարակից տների վնասումներ։ Հարված է հասցվել նաև Կրեմենչուգի շրջանում գտնվող արդյունաբերական ձեռնարկությանը։ Կրիվոյ Ռոգում հարվածներ են հասցվել բենզալցակայանին և ենթակառուցվածքային օբյեկտներին։ Իշխանությունների հաղորդմամբ՝ կաթսայատները և ջրամատակարարման համակարգի պոմպակայաններն անջատվել են էլեկտրամատակարարումից։ Դնեպրոպետրովսկի մարզի Ժոլտիե Վոդի քաղաքում ԱԹՍ-ն հարվածել է հինգհարկանի բնակելի շենքին, հինգ մարդ վիրավորվել է։ ![]() ![]() ![]() |

Հորմուզի նեղուցում այրվում է 2 սուպերլցանավ
165Երեկ, 21:55
Հրացանը փորձարկելիս տղամարդը պատահաբար կրակել է կնոջ եղբոր վրա. նա մահացել է
134Երեկ, 12:12
Ուկրաինայի զինված ուժերը կրկին հարվածել են Ղրիմի կամրջին (տեսանյութ)
212Երեկ, 09:49
Շորթում՝ Օշականում. կասկածյալներն օրենքով գnղ «Օշականցի Գևորիկի»՝ «թուրք» մականվամբ եղբայրն ու նրա որդին են
142Երեկ, 00:18
Սոթքում հայտնաբերվել է զինծառայողի մարմին՝ գլխին հրազենային վնասվածքով
16718.11.2026, 22:30
Ուկրաինան առաջին անգամ կիրառել է «թռչող մոդեմներ»՝ Ղրիմի կամրջին հարվածելու համար
29618.11.2026, 21:07



