«Ագրեսորին աջակցողների հարցում մենք կարմիր գիծ չունենք»․ ՀՀ-ում Իրանի դեսպան

«Արդյո՞ք Իրանում չկա մտավախություն, որ այն երկրները, որոնց տարածքներում գտնվող ամերիկյան ռազմաբազաներին հարվածում է Իրանը, կարող են Իրանն ընկալել որպես ոչ բարեկամ, օրինակ՝ թշնամի երկիր»,- այսօրվա ասուլիսի ժամանակ հարց ուղղվեց Հայաստանում Իրանի դեսպան Խալիլ Շիրղոլամիին։ «Սա պատերազմ է, և այս պատերազմը մենք չենք ընտրել, մեզ պարտադրվել է։ Հնարավոր չէ, որ տարածաշրջանում գտնվող երկրների տարածքում տեղակայված ռազմաբազաները տարբեր ձևով օգտագործվեն Իրանի դեմ ագրեսիայի շրջանակներում, և մենք ուղղակի նստենք և նայենք»,- պատասխանեց դեսպանը։ «Այս պատերազմը մեր գոյատևման, ինչպես նաև Իրանի լինել-չլինելու մասին է, և այն բոլոր ուժերի դեմ, ովքեր աջակցում են Իրանի դեմ ագրեսիա իրականացրած պետությանը, դիմադրության հարցում մենք որևէ կարմիր գիծ չունենք»,- հավելեց Խալիլ Շիրղոլամին։