«Հնդկաստան-Իսրայել գործակցության խորացումը «հանգուցային» է»․ Հակոբ Բադալյան
![]() Քաղաքական մեկնաբան Հակոբ Բադալյանի թելեգրամյան գրառումը․ «Հնդկաստանի վարչապետի Իսրայել կատարած այցի ընթացքում ջերմ ընդունելությունն ու գրկախառնությունները իհարկե ուղեկցվել են տարբեր ոլորտներում գործակցությունը խորացնելու պայմանավորվածություններով: Հատկապես ուշադրության է արժանի, որ Հնդկաստանն ու Իսրայելը ձեռք են բերել պաշտպանական բնույթի նոր համաձայնություններ, կապված այդ թվում նաև արհեստական բանականության տեխնոլոգիաների հետ: Խոսք կարող է լինել Հնդկաստանում դրանց արտադրության մասին: Սրանք, իհարկե, ռեգիոնալ լայն նշանակության հարցեր են, որոնք կարող են փոխել միջավայր: Միջավայր, որն իր անմիջական ազդեցությունն ունի իհարկե նաև Հայաստանի անվտանգության միջավայրի վրա: Իհարկե, Հնդկաստանն ու Իսրայելը ջերմ բարեկամություն ու դաշնակցություն են հաստատում յուրաքանչյուրն ունենալով իր հետաքրքրությունն ու շահը: Իսրայելի համար Հնդկաստանն, իհարկե, կարևոր է այսպես ասած իսլամական գործոնի զսպման տեսանկյունից: Միևնույն ժամանակ, Իսրայելին բնականաբար անհանգստացնում է ռեգիոնում Չինաստանի ազդեցության աճը, իսկ Հնդկաստանն այդ տեսանկյունից դիտվում է շահընկեր: Հնդկաստանի համար Իսրայելը տեխնոլոգիական «աղբյուր» է, մյուս կողմից նաև ռեգիոնալ լայն խաղի հնարավորություն՝ թե քաղաքական, թե տնտեսական իմաստով: Ընդ որում, այստեղ անմիջական կապ Կովկասի հետ կարծես թե չկա, սակայն Հնդկաստանն Իսրայելի հետ գործակցության հարցում թերևս իր հաշվարկներում տեղավորում է նաև Կովկասը, մասնավորապես Ադրբեջանի հանգամանքը՝ հաշվի առնելով Իսրայել-Ադրբեջան սերտ հարաբերությունը: Միաժամանակ, Հնդկաստան-Իսրայել սերտ գործակցությունը, բնականաբար, շատ զգայուն ընկալում է ունենալու Իրանում, որի հետ Հնդկաստանն ունի տնտեսական հետաքրքրություններ ու պայմանավորվածություններ: Այստեղ հարցը ուշադրության արժանի է դառնում նաև Հայաստան-Հնդկաստան գործակցության առկա իրողությունների ու հեռանկարների համատեքստում: Իհարկե, Նյու Դելին էլ անհանգստացած է Իրանի շուրջ լարվածությամբ և բնականաբար Իսրայելի հետ իր աշխատանքը կարող է դիտարկել նաև ռիսկերը կառավարելու, լարվածությունը զսպելու միջոց: Միովն բանիվ՝ Հնդկաստան-Իսրայել գործակցության խորացումն ու ընդհուպ որոշակի դաշնակցային երևէջները իսկապես «հանգուցային» են ռեգիոնալ բազմակողմ շերտերի տեսանկյունից»։ Աղբյուրը` Հակոբ Բադալյան |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
