«Ջրային «թատրոն»՝ նախընտրական միավորներ հավաքելու ակնկալիքով»․ Հակոբ Բադալյան
![]() Քաղաքական մեկնաբան Հակոբ Բադալյանի թելեգրամյան գրառումը․ «Տարածքային կառավարման նախարար Դավիթ Խուդաթյանը հայտարարել է, թե կառավարության միջամտության արդյունքում չի լինի ջրամատակարարման ժամանակացույցի փոփոխություն, ինչպես նախապես հայտարարել էր «Վեոլիա ջուր»-ը: Պարզ ասած՝ չի լինի այն, ինչ ասել է «Վեոլիա ջուր»-ը: «Պետք է նշեմ, որ այն խնդրահարույց է գնահատվել ոչ միայն ձեզնից շատերի, այլև կառավարության կողմից, և օպերատիվ ձևով հրավիրվել է խորհրդակցություն բոլոր շահագրգիռ կառույցների մասնակցությամբ։ Տեղի է ունեցել քննարկում, և որոշում է կայացվել՝ կասեցնել ժամանակացույցի գործողությունը։ Խնդիր է ձևակերպվել առաջիկա երկու շաբաթվա ընթացքում Ջրային կոմիտեի, Հանրային ծառայությունները կարգավորող հանձնաժողովի և «Վեոլիա Ջուր» ընկերության կողմից իրականացնելու լրացուցիչ ուսումնասիրություններ, որի արդյունքում կհրապարակվի 2024 և 2025 թվականների նկատմամբ լավարկված և բարելավված ջրամատակարարման ժամանակացույց։ Նման պնդման համար հիմք են հանդիսանում վերջին տարիներին եռապատկված ծավալով իրականացված կապիտալ աշխատանքները Երևանում և մարզերում»,-գրել է Խուդաթյանը: Շատ հետաքրքիր թատրոն է, իհարկե: Թատրոն, որովհետև, մեղմ ասած, չեմ հավատում, թե «Վեոլիա ջրի» ղեկավարությունը գտնվել է այն աստիճան անշրջահայաց, որ կարող էր նախընտրական այս փուլում անել ջրամատակարարման վերաբերյալ այդպիսի հայտարարություն, առանց կառավարող ուժի կարծիքը նախապես շոշափելու: Ըստ այդմ, կառավարության արագ արձագանքը վկայում է, որ «Վեոլիա ջրի» հայտարարությունը, ըստ ամենայնի, «նախերգանքն» էր, որպեսզի հետո արդեն «բեմ ելնի» կառավարությունն ու հայտարարի, թե կասեցրել է ջրամատակարարման սահմանափակումների որոշումը, հավաքելով կամ ակնկալելով հավաքել նախընտրական միավորներ: Այլապես առաջանում է հարց, մասնավորապես Խուդաթյանի հետևյալ մտքից հետո՝ «Խնդիր է ձևակերպվել առաջիկա երկու շաբաթվա ընթացքում Ջրային կոմիտեի, Հանրային ծառայությունները կարգավորող հանձնաժողովի և «Վեոլիա Ջուր» ընկերության կողմից իրականացնելու լրացուցիչ ուսումնասիրություններ, որի արդյունքում կհրապարակվի 2024 և 2025 թվականների նկատմամբ լավարկված և բարելավված ջրամատակարարման ժամանակացույց։ Նման պնդման համար հիմք են հանդիսանում վերջին տարիներին եռապատկված ծավալով իրականացված կապիտալ աշխատանքները Երևանում և մարզերում»: Այսինքն, ստացվում է, որ «Վեոլիա ջուր»-ը, Ջրային կոմիտեն, Հանրային ծառայությունները կարգավորող հանձնաժողովը պարզապես դրսևորում են հանցավոր անգործությո՞ւն, եթե վերը նշված հարցերով պետք է զբաղվեին միայն այն բանից հետո, երբ «Վեոլիա ջուր»-ն աներ կառավարող ուժի համար նախընտրական անբարենպաստ հայտարարություն, իսկ կառավարությունն էլ արագ միջամտեր ու հանձնարարեր ոչ միայն չսահմանափակել, այլև նույնիսկ ներկայացնել նախորդ երկու տարիների համեմատ ավելի լավ ջրամատակարարման ժամանակացույց: Ի՞նչ է սա, եթե ոչ կառավարող համակարգի հանցավոր անգործության կամ առնվազն անփութության ու անպատասխանատվության խոստովանություն, կամ պարզապես դյուրահավատ և պարզմիտ «հանդիսատեսի» համար նախատեսված պրիմիտիվ թատրոն: Աղբյուրը` Հակոբ Բադալյան |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
