«ԲԴԽ-ին հորդորում եմ զբաղվել իր առաքելությամբ, ոչ թե խոսքի ազատության սահմանափակման փորձերով»․ Տիգրան Աթանեսյան

Փաստաբան Տիգրան Աթանեսյանի ֆեյսբուքյան գրառումը․ «Բարձրագույն դատական խորհրդի փաստաբանների հասցեին արված հրապարակային կշտամբանքին կարող եմ պատասխանել միայն հետևյալ կերպ՝ եթե ԲԴԽ-ն գտնվեր իր բարձունքի վրա, ապա շատ փաստաբաններ միգուցե ավելի մեղմ արտահայտվելու ցանկություն կունենային դատական իշխանության մասին: Բայց կոնկրետ հիմա ԲԴԽ կազմում կա դատավոր, ով քաղաքացիական դատավարությունը շփոթել է հայրապետական իշխանության հետ: Ուստի ԲԴԽ-ին հորդորում եմ զբաղվել իրենց սահմանադրական առաքելությամբ, այլ ոչ թե փաստաբանների խոսքի ազատության սահմանափակման սին փորձերով»: