«Հույս ունեմ՝ սահմանազատված հատվածներից մեկում Ադրբեջանի հետ համատեղ շուկա կամ առևտրի պլատֆորմ ստեղծելու որոշում կկայացնենք»․ Նիկոլ Փաշինյան

Այսօր լրագրողների հետ ճեպազրույցում վարչապետ Նիկոլ Փաշինյանն անդադառնալով այսօր ցամաքային սահմանի սահմանազատված հատվածով՝ Կիրացով Հայաստան ժամանած ադրբեջանական պատվիրակության այցին, նշեց․ «Սահմանազատված հատված կա, այդ հատվածն ինչո՞ւ չի կարող դառնալ անցման կետ՝ երկու կողմերից»։

«Ես հույս ունեմ, որ առաջիկայում Ադրբեջանի հետ համատեղ մենք այդ սահմանազատված հատվածներից որևէ մեկում, ամեն մեկս մեր կողմում, համատեղ շուկա կամ առևտրի պլատֆորմ ստեղծելու որոշում կկայացնենք և կիրականացնենք այդ որոշումը։ Համենայնդեպս արդեն նախադեպը կա․ ցամաքային հատում է տեղի ունեցել սահմանազատված հատվածի՝ երկու երկրների օրենսդրությանը համապատասխան, ինչը շատ լավ է»,- ընդգծեց Փաշինյանը։