«Հազարավոր քվեաթերթիկներ կերել են, հիմա ասում են, որ մենք պատրաստվում ենք ընտրություն կեղծե՞լ»․ Նիկոլ Փաշինյան

Երևան քաղաքում ընտրությունների արդյունքները վճռվել են 70, թե 120 քվեաթերթիկի վրա, իսկ այդ ասողներն այդ 120 քվեաթերթիկը կուտեին ուղղակի»,- այս մասին ԱԺ Կառավարության հարցուպատասխանի ժամանակ ասել է ՀՀ վարչապետ Նիկոլ Փաշինյանը՝ անդրադառնալով շրջանառվող քննադատությանը, թե ԱՄՆ-ն քարտ-բլանշ է տվել Նիկոլ Փաշինյանին և թույլատրելու է ՀՀ-ում ընտրությունները կեղծել։

«Նրանք, ովքեր մեզ ասում են, թե մենք կարող է ընտրություն կեղծել, նրանք ոչ միայն կուտեին, այլև այդպիսի հազարավոր քվեաթերթիկներ կերել են, հիմա եկել են, ինձ ասում են, որ մենք պատրաստվում ենք ընտրություն կեղծե՞լ»,- նշել է նա: