«Ադրբեջանը շարունակում է կապիտուլյացիան․ եթե սրանք շարունակեն իշխանավարել, մենք կկորցնենք Հայաստանը»․ Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանի ֆեյսբուքյան գրառումը․ «Խաղաղության, թե հայրենազրկման կուսակցություն
Խաղաղության և մարդկային եղբայրության «Զայեդ» մրցանակը հանձնվեց Ալիևին և Փաշինյանին։ Այդ մրցանակի անվանումը և բովանդակությունը որևէ աղերս չունի այն, ինչ մինչ այս պահն արձանագրված է Հայաստանի և Ադրբեջանի միջև, որի հիմնավորումն է նաև մրցանակաբաշխության հաջորդ օրն Արցախի ռազմաքաղաքական ղեկավարների «դատավճռի» հրապարակումը։ Չի կարող խաղաղություն լինել, երբ մի կողմն ուժի կիրառման սպառնալիքի տակ պարտադրում և ստանում է այն ինչ ցանկանում է, առավել ևս 120000 արցախահայության բռնի տեղահանման պարագայում։ Իրականում Ադրբեջանը, միջազգային հանրության լուռ համաձայնությամբ և մասնակցությամբ, շարունակում է Հայաստանին կապիտուլյացիայի ենթարկել, վերջինն այսպես կոչված Զանգեզուրի միջանցքն էր «TRIPP» անվանմամբ։ Մարտ ամսին էլ կհրապարակեն Սահմանադրության փոփոխության ալիևյան նախագիծը, իսկ անկլավների հարցը թողնելու են «ընտրություններից» հետո՝ Նիկոլին չխանգարելու համար, որից հետո կստորագրվի վերջնական կապիտուլյացիոն ակտը՝ խաղաղության պայմանագրի անվան տակ։
Հ․ Գ․ ՔՊ-ականներն իրենց ներակայացնում են խաղաղության կուսակցություն, այդ ինչպես կարող են հազարավոր զոհերի ու պարտության տարած խմբակը, որը հայրենազրկեց, ինչը ցավոք շարունակվում է, և այն մանիպուլյատիվ ձևով ներկայացվում է խաղաղություն։ Աստված ոչ անի՝ սրանք շարունակեն իշխանավարել, ապա մենք կկորցնենք Հայաստանի Հանրապետությունը»։