«Եկեղեցին ունի բոլոր հնարավորությունները ներքին կանոնակարգով կարգի բերելու օրենքը խախտողներին»․ Սերժ Սարգսյան

«Մենք մնում ենք խոնարհ մեր եկեղեցու հանդեպ և ամեն կերպ մնալու ենք հավատարիմ մեր գաղափարներին։ Եկեղեցին, կարծում եմ՝ ունի բոլոր հնարավորությունները իր կարծիքն ասելու, տարածելու»,- այս մասին այսօր դատարանի դիմաց լրագրողների հետ զրույցում նշեց ՀՀ երրորդ նախագահ Սերժ Սարգսյանը՝ անդրադառնալով դիտարկմանը, որ եկեղեցու շուրջ օղակը սեղմվում է՝ իշխանությունները շարունակում են ճնշումները։

«Եկեղեցին ունի բոլոր հնարավորությունները ներքին կանոնակարգով կարգի բերելու այն մարդկանց, որոնք, եկեղեցու սպասավորների մեծամասնության կարծիքով, խախտում են օրենքներ․․․ Բա եկեղեցին իր ներքին կանոնակարգով չղեկավարի, ումո՞վ ղեկավարվի։ Լավ, հիմա ի՞նչ եք ուզում: Ունե՞ք ավտոմատ, արի վերցնենք, գնանք»,- հավելեց Սարգսյանը։