«ՀՀ կառավարությունն իր ուժը զենք է դարձրել մեր եկեղեցու դեմ»․ Արամ Վարդևանյան

ՀՀ կառավարությունն իր ուժը զենք է դարձրել մեր եկեղեցու դեմ: Այս մասին հայտարարել է փաստաբան Արամ Վարդևանյանը՝ Վաշինգթոնում կայացած ամենամյա Միջազգային կրոնական ազատության գագաթնաժողովի (International Religious Freedom Summit) ժամանակ։

«Հայ Առաքելական Սուրբ Եկեղեցին տարբեր դժվարությունների է բախվել օտար պետությունների կողմից, անգամ ճնշումների ու միջամտությունների: Սակայն աներևակայելի է, որ նման միջամտություն այժմ տեղի է ունենում Հայաստանում՝ իշխող ուժերի և կառավարության կողմից։ Այս պահին մենք ունենք մի իրավիճակ, երբ գործադիր իշխանության առաջատար գործիչները պահանջել են կաթողիկոսի՝ Հայ Առաքելական Սուրբ Եկեղեցու առաջնորդի հրաժարականը։ Այս պահին մեր Հայ Առաքելական Սուրբ Եկեղեցու չորս եպիսկոպոսներ կալանավորված են։ Եվս վեց եպիսկոպոսների դեմ մեղադրանք է առաջադրվել, սահմանափակվել է նրանց ազատ տեղաշարժի իրավունքը։ Կարող եմ ասել, որ այս բոլոր մեղադրանքները արդար դատավարության և մարդու հիմնարար իրավունքների կոպիտ խախտումներ են»,- նշել է նա։