«TRIPP-ը հայ-ամերիկյան պրոեկտ է Ադրբեջանի և Թուրքիայի համար». Ռոբերտ Քոչարյան

«TRIPP-ը հայ-ամերիկյան պրոեկտ է Ադրբեջանի և Թուրքիայի համար: Այս ֆորմատով հայկական շահը այստեղ չի երևում ընդհանրապես»,- ասուլիսի ժամանակ ասել է ՀՀ երկրորդ նախագահ Ռոբերտ Քոչարյանը:

Նա նշել է, որ Միացյալ Նահանգները փորձելու է այս ծրագիրը բարդել առաջ: «Այստեղ չեմ տեսնում ԱՄՆ-ի տնտեսական շահը: Միացյալ Նահանգներ-ՀՀ, Միացյալ Նահանգներ-Ադրբեջան ամբողջ արտաքին առևտրի ծավալը կազմում է ԱՄՆ-ի ամբողջ արտաքին առևտրի ծավալի 0.04 տոկոսը: ԱՄՆ-ն Հարավային Կովկասում տնտեսական զրոյական շահ ունի: Այս հետաքրքրությունը կապված է մեկ հանգամանքի հետ՝ Իրան, Իրանի սահմանը վերցնել վերահսկողության տակ: Ուրիշ տրամաբանական բացատրություն չկա»,- ընդգծել է երկրորդ նախագահը հավելելով, որ սա հենց այն դեպքն է, երբ ՀՀ-ն այս ծրագրով իրեն դնում է աշխարհաքաղաքական խոշոր շահերի բախման կետում: