«ՌԴ-ն 3 ամսում ավելի շատ զենք է արտադրում, քան՝ ՆԱՏՕ-ի երկրները 1 տարում». Ռյուտե

ՆԱՏՕ-ի գլխավոր քարտուղար Մարկ Ռյուտեն հայտարարել է, որ Ռուսաստանը երեք ամսում մի քանի անգամ ավելի շատ զինամթերք է արտադրում, քան Հյուսիսատլանտյան դաշինքի բոլոր անդամ երկրները մեկ տարվա ընթացքում։
«Մենք գործ ունենք աշխարհաքաղաքական լուրջ մարտահրավերի հետ։ Եվ սա առաջին հերթին Ռուսաստանն է, որը վերականգնվում է այնպիսի արագությամբ, որը հավասարը չունի ժամանակակից պատմության մեջ։ Նրանք երեք ամսում երեք անգամ ավելի շատ զինամթերք են արտադրում, քան ամբողջ ՆԱՏՕ-ի դաշինքը մեկ տարվա ընթացքում», - ասել է Ռյուտեն՝ The New York Times-ին տված հարցազրույցում։
Ռյուտեի խոսքով՝ Հյուսիսատլանտյան դաշինքի առաջնորդների՝ պաշտպանական ծախսերը մինչև 2035 թվականը ՀՆԱ-ի 5%-ին հասցնելու վերաբերյալ Հաագայում կայացած գագաթնաժողովում ձեռք բերված համաձայնությունն անհրաժեշտ է ՆԱՏՕ-ի երկրների անվտանգությունը երաշխավորելու համար, այդ թվում՝ Ռուսաստանից։

«Այո, սրանք հսկայական ծախսեր են։ Բայց եթե մենք չգնանք այդ քայլին, ստիպված կլինենք սովորել ռուսերեն», - ասել է նա։