Լարված իրավիճակ․ քաղաքացիները թույլ չեն տալիս բերման ենթարկել Միքայել Սրբազանին

Այս պահին իրավիճակը գերլարված է Մայր Աթոռի բակում։ Ուժայինները փորձում են բերման ենթարկել ՀԱԵ Շիրակի թեմի առաջնորդ Միքայել արքեպիսկոպոս Աջապահյանին։ «Չեմ պատրաստվում թաքնվել, եկել են իմ հետևից, կգնամ։ Ես սպառնալիք չեմ այս երկրի համար, սպառնալիքը կառավարությունում է նստած»,- ասել էր նա։
Սակայն քաղաքացիները և հոգևորականները փակել են ճանապարհը, թույլ չեն տալիս բերման ենթարկել Սրբազանին։ «Ամոթ, ամոթ»,- վանկարկում են հավաքվածները։
Հիշեցնենք՝ երեկ հայտնի դարձավ, որ Շիրակի թեմի առաջնորդ Միքայել արքեպիսկոպոս Աջապահյանի դեմ քրեական վարույթ է նախաձեռնվել։ Աջապահյանը մեղադրվում է «իշխանությունը զավթելու, տարածքային ամբողջականությունը խախտելու, ինքնիշխանությունից հրաժարվելու կամ սահմանադրական կարգը բռնի տապալելուն ուղղված հրապարակային կոչեր անելու» համար։