Ուկրաինայի շուրջ բանակցություններում կետերի 90%-ի շուրջ համաձայնություն է ձեռք բերվել. Axios

ԱՄՆ-ի և Ուկրաինայի միջև բանակցությունների հաջորդ փուլը կարող է տեղի ունենալ այս շաբաթվա ավերջին՝ «Միացյալ Նահանգների որևէ վայրում», հնարավոր է՝ Մայամիում, գրել է Axios-ը՝ հղում անելով ԱՄՆ-ի պաշտոնյային։

Պաշտոնյան ասել է, որ բանակցություններին կմասնակցեն երկու երկրների աշխատանքային խմբեր և զինվորականներ, որոնք «ուսումնասիրում են քարտեզները»։ Նրա խոսքով՝ կետերի մոտավորապես 90%-ի շուրջ արդեն համաձայնություն է ձեռք բերվել, սակայն մնացած հարցերը պահանջում են հետագա տեխնիկական խորհրդակցություններ։

Ամերիկյան աղբյուրը նշել է, որ ուկրաինացի և եվրոպացի բանակցողները զարմացած են Վաշինգթոնի կողմից առաջարկվող անվտանգության երաշխիքների մասշտաբով և ԱՄՆ-ի վստահությամբ, որ Մոսկվան կարող է ընդունել նման փաթեթը։

Վաշինգթոնը գնահատում է, որ համաձայնագրի նախագիծը Ուկրաինային կապահովի երկարաժամկետ անվտանգության մեխանիզմներով, կարագացնի եվրոպական ինտեգրումը և կբացի հասանելիությունը միլիարդավոր դոլարների վերակառուցման ծրագրերին։ Միևնույն ժամանակ, Կիևը պարտավոր կլինի համաձայնվելու զգալի տարածքային զիջումներին։

Ինչպես բացատրել է ԱՄՆ-ի պաշտոնյաներից մեկը, բանակցությունների հիմնական նպատակն է «ձևավորել հնարավորինս ուժեղ փաթեթը և տեսնել, թե արդյոք կարող ենք դիմել Ռուսաստանին այս խնդիրը լուծող առաջարկով»։