Բադալյանները հարսանիքը Մարզահամերգային համալիրում անցկացնելու համար վճարել են 30 միլիոն դրամ

Կարեն Դեմիրճյանի անվան Մարզահամերգային համալիրում կայացած և քննարկումների կենտրոնում հայտնված հարսանեկան միջոցառումը տեղի է ունեցել նախորդ շաբաթ օրը։ Համալիրում կազմակերպվել է «Վիվառո»-ի համասեփականատերերից մեկի՝ Վահե Բադալյանի տղայի հարսանիքը։

100 տոկոսով պետությանը պատկանող համալիրի տնօրեն Կարեն Ղազարյանը, քննադատություններին ի պատասխան, ասել է՝ համալիրում, մինչև Բադալյանների հարսանիքը, ավելի վաղ ևս մի քանի հարսանեկան միջոցառում է անցկացվել։ Ըստ նրա՝ համալիրի տարածքում ռեստորան կա, որտեղ տարբեր միջոցառումներ են անցկացվում։ Սակայն «Ֆակտոր»-ի հստակեցնող հարցից պարզ է դարձել, որ Բադալյանների միջոցառումը չի անցկացվել տարածքում գործող ռեստորանում։ «Դահլիճներից մեկը ձևափոխվել, սարքվել էր սրահ, որտեղ կարելի էր անցկացնել մեծ միջոցառում, որի անունը հարսանիք էր»,- ասել է տնօրենը։ Թե որ դահլիճում է տեղի ունեցել Բադալյանների ընտանեկան միջոցառումը, տնօրենը չի հստակեցրել, բայց հավաստիացրել է՝ ավարտից կարճ ժամանակ անց սրահը վերադարձվել է նախկին տեսքին ու համերգ է կազմակերպվել։

Հարցին՝ թա՞նկ հաճույք է համալիրում հարսանիք կազմակերպելը, պատասխանել է. «Այո, թանկ հաճույք է»: Բադալյանները հարսանիքը համալիրում անցկացնելու համար վճարել են 30 մլն դրամ։
Առավել մանրամասն՝ տեսանյութում: