Իշխանությունը փորձում է նոր քայլեր ձեռնարկել Եզրաս Սրբազանի դեմ. «Ժողովուրդ»

«Ժողովուրդ» օրաթերթի՝ իշխանությանը մոտ կանգնած աղբյուրները փոխանցել են, որ իրավապահները օրուգիշեր աշխատում են Կաթողիկոսի և նրա հարազատների դեմ կոմպրոմատներ հավաքելու ուղղությամբ:
«Տեղեկացանք, որ իշխանություններին ինֆորմացիա է փոխանցվել, որ Վեհափառի եղբայրը՝ Եզրաս արքեպիսկոպոսը, քայլեր է ձեռնարկում՝ ՌԴ տեղափոխելու Մայր Աթոռ Սուրբ Էջմիածնի աթոռանիստը, որպեսզի այնտեղից Կաթողիկոսը անվտանգ կառավարի Հայ առաքելական Սուրբ եկեղեցին, ինչի համար իշխանությունները հակաքայլեր են իրականացնում նրա դեմ:
Դա էր նաև պատճառը, որ երեկ իշխանական լրատվականը հրապարակեց ԱԱԾ-ի խայտառակ պաշտոնական գրագրությունը, ըստ որի՝ Եզրաս Արքեպիսկոպոսը КГБ-ի գործակալ է եղել խորհրդային միության տարիներին:
Իշխանական մեր աղբյուրները փոխանցում են, որ խոշորացույցի տակ են նաև Կաթողիկոսի մյուս հարազատները, եղբորորդիները, բարեկամները. ստուգվում են նրանց բոլորի կապերը՝ ճնշումները Կաթողիկոսի դեմ ավելի ուժեղացնելու համար»։