«Կարմիր կետագծերում կայանման համար վճարի թանկացումն անհիմն է»․ Արմենակ Դանիելյան

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան գրառումը. «Երևանի հանրային տրանսպորտի աշխատանքի որակը չի լավացել, չի փոխվել, սակայն վատացել, փոխվել է սակագինը։ Հասարակական տրանսպորտի ուղեվարձի 50% թանկացումը այդ նույն տրանսպորտի աշխատանքի բարելավման վրա 50% ազդեցություն չի ունեցել, տրանսպորտից օգտվող ուղևորի համար 2024թի համեմատ 50% լավարկում չի եղել։
• Մայրաքաղաքում կարմիր կետագծերում կայանման համար վճարի թանկացումը անհիմն է և ոչ իրավաչափ է։ Սա ես չեմ ասում, սա «ասում է» կամ «ասել է» ՀՀ Վարչական Դատարանը 2 անգամ՝ 2024թ.-ին և 2025թ.-ին, իսկ Վերաքննիչ դատարանն էլ հաստատել է 2025թ․-ի դեկտեմբերի 12-ին։
• 2026թ․-ին Երևանի քաղաքապետարանի (վարչական շրջանները ներառյալ) աշխատակազմին տրվող պարգևավճարային ֆոնդը կազմում է 1,128,000,000 (1 միլիարդ 128 միլիոն) դրամ, որը աշխատավարձային ֆոնդի 12,5%-ն է։ 2025թ.-ին պարգևատրման ֆոնդը կազմել է 714,000,000 (714 միլիոն) դրամ, որը աշխատավարձի ֆոնդի 8% -ն է։ 2024թ.-ին պարգևատրումների գումարը կազմել է 458,000,000 (458 միլիոն) դրամ, որը աշխատավարձերի գումարի 5,5%-ն է»։