Ֆիդանն ու Արաղչին քննարկել են Իրանում վերջին զարգացումները

Թուրքիայի ԱԳ նախարար Հաքան Ֆիդանը և Իրանի ԱԳ նախարար Աբբաս Արաղչին հեռախոսազրույց են ունեցել, որի ընթացքում քննարկել են Իսլամական Հանրապետությունում տեղի ունեցող վերջին զարգացումները։ Այս մասին ասվում է Թուրքիայի արտաքին գործերի նախարարության հայտարարության մեջ։

Արաղչին Ֆիդանին տեղեկացրել է, որ օտարերկրյա կապեր ունեցող որոշ անձինք Իրանի քաղաքացիների խաղաղ ցույցերը վերածել են բռնի անկարգությունների, ինչի հետևանքով մարդիկ են զոհվել։

Հիշեցնենք, որ 2025 թվականի դեկտեմբերի 29-ին Թեհրանում սկսվեցին բողոքի ցույցեր՝ իրանական ռիալի կտրուկ անկման պատճառով։ CBS News-ը հղում կատարելով երկու աղբյուրների, հաղորդել էր, որ ցույցերի հետևանքով կարող է մահացած լինել 12 000 - 20 000 մարդ։