«Անհեթեթություն էր ՏԻՄ ընտրությունները կուսակցականացնելը». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Անհեթեթություն էր ՏԻՄ ընտրությունները կուսակցականացնելը
Իբր Հայաստանում քաղաքական, գաղափարական դաշտը կայացել է, Նիկոլ Փաշինյանի իշխանությունը օրենքի պարտադրանքով քաղաքականացրեց Հայաստանում ՏԻՄ ընտրությունները։ Դրա հետևանքով համայնքապետ դառնալու հավակնորդները, նախընտրական ցուցակներում ընդգրկվածները ստիպված ներկայանում էին ինչ-որ կուսակցության անունով, թեև ոչ մի կապ չունեին այդ կուսակցության գաղափարների հետ։ Եթե իհարկե, այդ կուսակցությունը քաղաքական ինչ-որ գաղափարներ ուներ։ Գյումրիում կայացած ընտրություններում ամենաշատ քվե ստացավ քաղաքական իզմեր, հստակ գաղափարախոսություն չունեցող, «լողացող կուրսով» նավարկող ՔՊ կուսակցությունը։ Ձայներով երկրորդ տեղում իրենց առաջնորդ Լենինի նման մեռած, բայց չթաղած կոմունիստական կուսակցությունն է։ Ձայների քանակով վերջին տեղում աշխատավորական սոցիալիստական կուսակցությունն է։ Լավ կլիներ, որ թեկնածու լիներ նաև գարեջրասերների կուսակցությունից, այդ դեպքում ցուցակում ընդգրկվածներն ավելի հոգեհարազատ կլինեին իրեն առաջադրած կուսակցությանը»: