Երևան`   +21 °C
Այսօր`   Երկուշաբթի, 17 մարտի, 2025 թ.

«Այս տարի սա 6-րդ մահն է, որը գրանցվում է բանտերում»․ Զառա Հովհաննիսյան

70
Այսօր, 17:12
«Այս տարի սա 6-րդ մահն է, որը գրանցվում է բանտերում»․ Զառա Հովհաննիսյան

Իրավապաշտպան, հրապարակախոս Զառա Հովհաննիսյանի ֆեյսբուքյան գրառումը. «Այսօր առավոտյան կախվելու միջոցով ինքնասպանություն է գործել հերթական ազատազրկված անձը՝ «Արթիկ» քրեակատարողական հիմնարկում: Այս տարի սա 6-րդ մահն է, որը գրանցվում է բանտերում, ընդ որում ազատազրկված անձանցից 4-ը՝ ինքնասպանություն:
Պետության վերահսկողության ներքո գտնվող անձանց մահերի այս աննախադեպ աճը վկայում է պետության պարտավորությունների թերի կատարման մասին: Դեռևս ունենք լրջագույն խնդիրներ քրեական ենթամշակույթի, առողջության իրավունքի, պահման պայմանների և այլ իրավունքների պահպանման հետ:
Սա նաև մարդու կյանքի նկատմամբ վերաբերմունքային խնդիր է, երբ կյանքի իրավունքի պահպանման համար գործադրվող ջանքերը բավարար չեն»: