«Ստախո՛ս, հրապարակիր փաստաթուղթը». Բագրատ Սրբազան

«Մեզ տեղեկատվություն է հասել, որ այս ստախոսը պատրաստվում էր հայտարարությամբ հանդես գալ, դիմեր ժողովրդին՝ իրենց հռչակավոր խաղաղության պայմանագրի շուրջ»,-«Սրբազան պայքար»-ի երիտասարդների ակցիայի ժամանակ, լրագրողների հետ զրույցում նշել է «Սրբազան պայքար» շարժման առաջնորդ Բագրատ Սրբազանը և, դիմելով Նիկոլ Փաշինյանին, կոչ է արել. «Ստախո՛ս, փաստաթուղթը հրապարակիր: Ի վերջո հրապարակային դուրս ես գալու և քո սիրած ձևաչափերից որևէ մեկով պատմելու, բացատրելու, թե ինչ է այդ «խաղաղության պայմանագիր» կոչվածը: Թաքուն դռների հետևո՞ւմ է լինելու»: Սրբազանը ընդգծել է, որ չեն հրապարակում խաղաղության համաձայնագրի տեքստը, որ ինչպես ուզենան՝ մեկնաբանեն, «անընդհատ խաբում են, ժողովուրդը ոչ մի բանից տեղյակ չէ»: